बुटवल - एटलस वेलफेयर अर्गनाइजेशनले आफ्नो वार्षिकउतसवको अवसरमा रक्तदान कार्यक्रमको आयोजना गरेको छ ।  नेपाल रेडक्रस सोसाइटी बुटवलको प्राविधिक सहयोगमा भएको सो रक्तदान कार्यक्रमबाट ३१ प्वाइन्ट रगत संकलन भएको संस्थाका अध्यक्ष विष्णुप्रसाद पन्तले जानकारी दिए । 

कार्यक्रममा संस्थाका संरक्षक प्रेमचन्द्र श्रेष्ठ, संस्थापक अध्यक्ष कल्पना श्रेष्ठ, कोषाध्यक्ष अन्जु श्रेष्ठ, कार्यसमिति सदस्य जीवन बुढाथोकी, रक्त सञ्चारकेन्द्रका प्राविधिक निरन्जन राजभण्डारीलगायतले रक्तदानलाई नियमित गर्नुपर्ने र रगत अभावमा कसैलाई ज्यान गुमाउनुपर्ने अवस्थाको अन्त्य गर्नुपर्ने जनाएका थिए ।

एटलसले आफ्नो नियमित कार्यतालिकामा रक्तदानलाई अघि बढाएको र अन्य सामाजिक क्षेत्रमा पनि निरन्तर काम गरिरहेको अध्यक्ष पन्तले बताए । 

संस्थाका संस्थापक अध्यक्ष कल्पना श्रेष्ठले व्यवसायिक क्षेत्रमा रहेकाहरुलाई पनि सामाजिक क्षेत्रमा जोड्नका लागि यसप्रकारको संस्था बनाइएको र यसलाई नियमित र गतिशील रुपमा अघि बढाइएको बताइन् ।