देउखुरी - लुम्बिनी प्रदेशका सभामुख तुलाराम घर्ती मगरलेन निर्वाहमुुखी कृषि प्रणालीलाई आधुनिकीकरण र व्यवसायीकरण गर्दै कृषिमा आत्मनिर्भता बढाउन सकिने बताएका छन् । २२ औं राष्ट्रिय धान दिवस २०८२ को अवसरमा आईतबार शुभकामना सन्देश जारी गर्दै सभामुख घर्तीले कृषि उद्यमशिलताको विकास मार्फत कृषिलाई स्वरोजगारसंग जोड्न सकेमा वैदेशिक रोजगारीमा भर पर्नु पर्ने बाध्यताको अन्त्य गर्न सकिने  बताएका हुन।

कृषिलाई आधुनिकीकरण गर्न जमिनको चक्लाबन्दी, सिचाईको राम्रो प्रवन्ध, आधुनिक उपकरण, मल, उन्नत बिउ बिजनको उचित ब्यवस्था गर्न आवश्यक रहेको उनको भनाई छ । ‘सिचाईको अभावमा कृषहरुले अहिले पनि आकाशको भर पर्नु पर्ने बाध्यता हटेको छैन । सिंचाईको उपयुक्त व्यवस्था र मलखाद आदिको व्यवस्था मिलाउन तथा नीति कार्यक्रममा समावेश गरिए अनुसार कृषि क्षेत्रमा लगानी बढाउन प्रदेश सरकार तथा सरोकारवाला निकायहरुको ध्यानकर्षण समेत गराउंदछु’ शुभकामना सन्देशमा उल्लेख छ ।  

संघीय, प्रदेश र स्थानीय सरकारबाट कृषि उत्पादन बढाउने गरी नीति निर्माण भएपनि कार्यान्वयनको अवस्थामा सुधार ल्याउन नसकिएकोर कृषि क्षेत्रलाई नेपालको अर्थतन्त्रसंग जोडेर यसको दिर्घकालिन नीति निर्माण गर्न आवश्यक रहेको शुभकामना सन्देशमा उल्लेख छ । 

उनले लुम्बिनी प्रदेश सभा कृषिबाटै जनताको जीवनस्तर उकास्न कृषिमैत्री कानुन र नीति निर्माणमा प्रतिवद्ध रहेको र यो दिवसको अवसरमा कृषकको हक अधिकार स्थापित गर्न तथा कृषिको प्रवद्र्धनको लागि सधै प्रतिवद्ध भएर लाग्ने विश्वास समेत दिलाए । 

नेपालको आर्थिक विकासमा कृषि क्षेत्रको योगदान महत्वपूर्ण रहेको जनाउनुहुदै उहाँले  धान लगायतका बालीको उत्पादनमा वृद्धि गरी आयात प्रतिस्थापन गर्न सकिने अवस्था श्रृजना गर्न सकेमा “धान बालीमा सघनताः खाद्यसुरक्षा र आत्मनिर्भता” भन्ने यो वर्षको दिवसको नाराले सार्थकता पाउने शुभकामना सन्देशमा उल्लेख गरेका छन ।

कृषिमा उत्पादन वृद्धि आधुनिकीकरण र व्यवसायीकरणलाई प्रवर्द्धन गर्ने उदेश्यले २०६१ साल देखि प्रत्येक वर्ष असार १५ लाई राष्ट्रिय धान दिवसको रूपमा मनाउन थालिएको हो । धान  नेपालको मुख्य खाद्यान्न बाली धान हो। यसको उत्पादन वार्षिक सरदर ५५ लाख मेट्रिक टन छ ।