बुटवल - रूपन्देही–२ मा राष्ट्रिय स्वतन्त्र पार्टी (रास्वपा)का सुलभ खरेलकाे जित सुनिश्चित भएकाे छ । सुरुवातदेखि नै अग्रता कायम गरेका सुलभले एमाले उपाध्यक्ष तथा पूर्वअर्थमन्त्री विष्णु पौडेललाइ फराकिलाे मतान्तरले पछि पारेका छन् । राती साँढे १० बजेकाे अपडेट परिणाम अनुसार खरेलले ३२ हजार १८८ मत ल्याएका छन् ।
उनका निकटतम प्रतिद्धन्द्धी एमालेका विष्णु पाैडेलले जम्मा ६ हजार ८४९ मत ल्याएका छन् । नेपाली कांग्रेसका चुन्न पौडेलले ४ हजार ६९४ मत ल्याउदा नेपाली कम्युनिस्ट पार्टीका विश्वदिप पाण्डेले ७७९ मत ल्याएको निर्वाचन आयोगले जनाएको छ । रुपन्देही २ मा २०६४ सालयता एमालेका विष्णु पौडेलले निरन्तर चुनाव जित्दै आएका थिए ।
यहाँ कुल १ लाख ३५ हजार ५० मतदाता रहेका छन् । जसमध्ये ८६ हजार ५३० मत अर्थात ६४.०७ प्रतिशत मत खसेको छ । अहिलेसम्म ४७ हजार ८७० मतगणना भइसकेको छ ।
