बुटवल - रुपन्देही ३ को उपनिर्वाचनमा सागर ढकालले उम्मेदरी दिने संकेत गरेका छन् । ढकालले मंगलबार फेसबुकमा मार्फत ‘रुपन्देही ३ इतिहास रच्न तयार हुनुहुन्छ ?’ भन्दै स्टाटास लेख्दै यस्तो संकेत गरेका हुन् । पछिल्लो निर्वाचनमा डडेलधुराबाट पूर्वप्रधानमन्त्री तथा नेपाली कांग्रेसका सभापति शेरबहादुर देउवासँग स्वतन्त्र रूपमा भिडेका व्यक्ति हुन्। तर, पराजित हुन पुगे। त्यसपछि केही समय विदेसिएका उनी केही महिनाअघि स्वदेश फर्किएका छन्।

केही समययता उनको रास्वपासँग हिमचिम बढेको छ। गत जेठ ५ गते रास्वपा नेत्री तथा सांसद सुमना श्रेष्ठसँग सिंहदरबार छिरेका थिए। उनीहरूले त्यहीँबाटै फेसबूक लाइभ गरेका थिए। ढकालले त्यतिबेलै निर्वाचनमा उम्मेदवार बन्ने बताएका थिए भने सुमनाले जिताउनका लागि आह्वान गरेका थिए।

अहिले आएर आसन्न उपनिर्वाचनमा उनी रास्वपाबाट रुपन्देही ३ बाट उम्मेदवार बन्ने चर्चा चलेको हो।उनी स्वतन्त्र हो वा रास्वपाबाट भन्ने टुंगो लागेको छैन ।