काठमाडौँ – नेकपा (एकीकृत समाजवादी) र नेकपा एकता राष्ट्रिय एकता अभियानबिच भोली शुक्रवार पार्टी एकता हुने भएको छ।  राष्ट्रिय सभा गृहमा एक कार्यक्रमबिच पार्टी एकता हुनेछ । 

एकीकृत समाजवादीका अध्यक्ष माधवकुमार नेपाल र वामदेव गौतमले सहितका नेताहरूबिच  एकता हुनेछ । लामो समयदेखि अलमलमा रहेका गौतमले औपचारिक रूपमा नेकपा एकीकृत समाजवादीमा सामेल हुने निर्णयमा पुगेका हुन् ।

पार्टी एकता घोषणा सभा कार्यक्रमको आवश्यक तयारी पूरा भएको महासचिव घनश्याम भुसालले जानकारी दिए । कार्यक्रम राष्ट्रिय सभागृहमा दिउँसो २ बजेका लागि तय गरिएको छ ।