बुटवल- लेखक सरस्वती ज्ञवालीकाे पुस्तक क्षितिज, आमा र धरतीबारे शनिबार बुटवलमा विमर्श गरिएकाे छ । पाठक मञ्च, बुटवलकाे आयाेजनामा लेखक साहित्यकारहरूका विच विमर्श गरिएकाे हाे ।  

विमर्श कार्यक्रममा लेखक ज्ञवालीले अपाङ्गता भएका सन्तान हुर्काउदाका ३७ बर्षकाे अनुभवहरू समेटेर पुस्तक लेखेकाे बताईन् । उनले बाैद्विक अपांगता भएकाे छाेरीकाे स्याहार गर्दा र छाेरीप्रति बाैद्विक भनिएका व्यक्तिहरूकाे छिछि र दुरदुरकाे व्यवहार समेत समेटेर एउटा आमाकाे व्यथा उतारेकाे बताईन ।

उनले सन्तान कै लागि जागिर छाडेकाे स्मरण गर्दै अपांगता भएका व्यक्तिहरूकाे सवालमा राज्य संवेदनशिल हुन नसकेकाे बताईन । अपांगता भएकाहरूलाई सेवा गर्ने हाे भने अमूर्त मन्दिरमा गएर पुजा गर्न नपर्ने उनले बताईन् ।  

पुस्तक समीक्षा कार्यक्रममा अध्येता रामचन्द्र श्रेष्ठले पुस्तकले मातृवात्सलयकाे चिन्तन प्रणालीलाई उजागर गरेकाे बताए । कार्यक्रममा कानुनमा अध्यनरत विद्यार्थी रूविना बस्याल, बालराेग बिशेषज्ञ नेत्र राना, शारदा खनाल लगायतले बाेलेका थिए ।

पुस्तक समिक्षामा पाठक मञ्चका सदस्य, साहित्यकार, लेखक लगायतकाे उपस्थिति रहेकाे थियाे ।