बुटवल- बुटवल उपमहानगरपालिका अन्तर्गतका संस्थागत विद्यालयहरूमा अध्ययनरत ३४४ जना विद्यार्थीहरूले निशुल्क छात्रवृत्ति पाउने भएका छन् ।
गरिब तथा जेहेन्दार विद्यार्थी छनाेटका लागि बुटवल उपमहानगरपालिकाले आइतबार सम्बन्धित विद्यालयमै परीक्षा लिएको छ ।
बुटवलका १३ संस्थागत विद्यालयकाे कक्षा ११ मा हालसम्म भर्ना भएका तीन हजार चार सय ३६ विद्यार्थीमध्ये यश बर्ष तीन सय ४४ विद्यार्थीले निशुल्क छात्रवृत्ति प्राप्त गर्ने बुटवल उपमहानगरपालिकाका नगर प्रमुख खेलराज पाण्डेयले जानकारी दिए ।
संस्थागत विद्यालयहरूले प्रदान गर्ने गरिब तथा जेहेन्दार छात्रवृत्तिलाई पारदर्शी र सम्बन्धित विद्यार्थीकाे पहुँच पुर्याउन निशुल्क छात्रवृत्तिका लागि विद्यालय र उपमहानगरपालिकाले छुट्टाछुट्टै सुचना प्रकाशित गरि परीक्षा लिने गरिएको नगर प्रमुख पाण्डेयले बताए ।
नगर प्रमुख पाण्डेयका अनुसार ११ कक्षामा छात्रवृत्ति प्राप्त गर्ने विद्यार्थीले कक्षा १२ पनि निशुल्क अध्ययन गर्न पाउनेछन् ।
छात्रवृत्ति छनाेटका लागि सम्बन्धित विद्यालयले परीक्षाको ब्यवस्था मिलाएको भए पनि परीक्षाको अनुगमनका लागि उपमहानगरपालिकाले कर्मचारी खटाएको बुटवल उपमहानगरपालिकाका अनुगमन शाखा प्रमुख ठगिश्वर बस्यालले बताए ।
बिगतमा संस्थागत विद्यालयहरूले आफ्नै हिसाबले गरिब तथा जेहेन्दार छात्रवृत्ति प्रदान गर्दै आए पनि पछिल्लो केही बर्षयता छात्रवृत्ति बितरणका लागि स्थानीय तहले परीक्षा लिने ब्यवस्था गरेकोले साेही अनुसार परीक्षाको ब्यवस्थापन गरिएको न्यु होराइजन मा वि का प्राचार्य लाेकनाथ उपाध्यायले जानकारी दिए ।
परीक्षा ब्यवस्थित गराउन बुटवल उपमहानगरपालिकाले कर्मचारी खटाइएको भन्दै प्राचार्य उपाध्यायले प्रश्नपत्र पनि नगरपालिका अन्तर्गतकाे शिक्षा शाखाले तयार पारेको बताए ।
उनलेे ऐनले ताेकेकाे १० प्रतिशत बाहेक पनि आर्थिक अभावमा कारण पढ्न नसक्ने अवस्थाका गरिब तथा जेहेन्दार विद्यार्थीहरूलाई विद्यालयले छात्रवृत्ति प्रदान गर्ने प्रतिवद्वता समेत ब्यक्त गरे ।
-1757390139.jpg)
-1764510401.jpeg)
