बुटवल- लुम्बिनी हाेटल संघ नेपालकाे अध्यक्षमा लिलामणि शर्मा निर्वाचित भएका छन् । शनिबार बुद्वजन्मस्थल लुम्बिनीमा सम्पन्न भएकाे साताै बार्षिक साधारणसभा तथा चाैथाे अधिवेशनबाट शर्माकाे नेतृत्वमा नयाँ कार्यसमिति सर्वसम्मत चयन भएकाे हाे।

जसकाे बरिष्ठ उपाध्यक्षमा शेखर कार्की, उपाध्यक्षमा भुपेन्द्र गुरूङ, महासिचव टीका कुमारी कट्टेल निर्वाचित भएका छन् ।यसैगरि सचिवमा एकराज कंडेल, काेषाध्यक्ष दीपक पंगेनी, सहकाेषाध्यक्षमा धिरज भण्डारी निर्वािचत भएकाे निर्वाचन समिति संयाेजक प्रख्यात बन्जाडेले जानकारी दिए ।

यसैगरि सदस्यहरूमा पदमा काफ्ले न्याैपाने, प्रजुल कार्की क्षेत्री, दीपेन्द्रलाल बाँनिया, अशाेक कुमार गुप्ता, किशाेर यादव, अनिल कुमार गुप्ता, राेजन शाक्य र जनकबहादुर साेमै मगर निर्वाचित भएका छन् । 

यसअघि आयाेजित उदघाटनसत्रमा विश्वभरका बाैद्वमार्गीहरूलाई लुम्बिनी ल्याउने वातारण बनाउनुपर्नेमा जाेड दिए । कार्यक्रममा लुम्बिनि प्रदेशका युवा तथा खेलकुद मन्त्री सन्ताेष कुमार पाण्डेयले पर्यटकहरूलाई सहज वातावरण बनाउनुपर्ने बताए । उनले नेपालमा जबरजस्ती पर्यटकहरू आईरहेकाे उल्लेख गर्दै उनले पर्यटकलाई सहज रूपमा वातावरण बनाउन नसकिएकाे बताए । 

यस्तै लुम्बिनी प्रदेशका पूर्वमन्त्री सिके गुप्ताले लुम्बिनी क्षेत्रकाे विकासका लागि विकास काेषले समन्वय र सहकार्य गर्न नसकेकाे बताए । उनले पर्यटन प्रबर्द्धनबाट मात्रै लुम्बिनी प्रदेशलाई अगाडि बढाउन सकिने बताए । 

हाेटल संघका निर्वतमान अध्यक्ष गाेविन्द ज्ञवालीले लुम्बिनी हाेटल संघ नेपालले बुद्व जन्मस्थल लुम्बिनीकाे जेठाे पर्यटन संस्था भएकाे बताउदै लुम्बिनी आउने  पर्यटकबाट लाभ लिन नसकेकाे बताए । 

यस्तै लुम्बिनी साँस्कृति नगरपालिकाका कार्यवाहक नगरप्रमुख कल्पना हरिजनले लुम्बिनी आउने पर्यटककाे बसाईअवधि बढाउन हाेटल व्यवसायीहरूसंग मिलेर काम गर्ने बताइन । 

लुम्बिनी बाैद्व विश्वविद्यालयका केन्द्रीय क्याम्पस प्रमुख दयानिधि गाैतमले लुम्बिनीबारे सबैले एउटै तबरले जानकारी दिनुपर्ने बताए । 

यस्तै कार्यक्रममा उद्याेग बाणिज्य संघ लुम्बिनीका अध्यक्ष कृष्ण प्रसाद शर्माले लुम्बिनीकाे प्रर्वद्वनमा लागि सबै क्षेत्रबाट पहल हुनुपर्ने बताए । उनले लुम्बिनीमा पर्यटन प्रबर्द्धनका लागि प्रदेश सरकारले अपनत्व लिनुपर्ने बताए। उनले लुम्बिनी विकास काेषकाे सदस्य सचिव स्थानीय किन बनाउन सकिएन? यसबारे बहस गर्नुपर्ने बताए । 

यस्तै सिद्वार्थ हाेटल एसाेसिएशनका अध्यक्ष सिपि श्रेष्ठले भैरहवा स्थित गाैतमबुद्व अन्तर्राष्ट्रिय विमानस्थल सञ्चालन हुदा मात्रै लुम्बिनी चलायमान हुने बताए । 

लुम्बिनीमा पर्यटक सेवा गरेका हाेटल व्यवसायीहरू एकजुट भएर करिब १६ बर्षअघि लुम्बिनी हाेटल संघ नेपाल गठन भएकाे थियाे । ७ बर्षदेखि विधिवत दर्ता भएकाे संघमा ७८ वटा हाेटलहरू आबद्व भएका छन्। यसैविच संस्थाले पत्रकारिता मार्फत लुम्बिनीकाे प्रबद्वर्नमा याेगदान गरेवापत स्व. पत्रकारद्वय चेतन पन्त र मनाेरञ्जन शर्मालाई मरणाेपरान्त सम्मान गरिएकाे छ ।

पन्तका श्रीमती गंगा पन्त र शर्माकाे श्रीमती सरिता सापकाेटालाई संस्थाले नगद, प्रमाणपत्र र दाेसल्ला ओढाएर सम्मान गरेकाे हाे ।