रुपन्देहीमा विद्यालय कर्मचारीलाई स्वयंसेवक राख्न आयोगको निर्देशन
रुपन्देही- आगामी बिहीबार (फागुन २१ गते) हुने प्रतिनिधिसभा सदस्य निर्वाचनका लागि रुपन्देहीमा मतदान केन्द्र व्यवस्थापनलाई प्रभावकारी बनाउन विद्यालय कर्मचारीलाई प्राथमिकता दिन निर्देशन दिइएको छ।
रुपन्देही जिल्ला निर्वाचन अधिकृतको कार्यालय, प्रतिनिधिसभा सदस्य निर्वाचन क्षेत्र नं. ३ ले मतदान केन्द्रमा खटिने स्वयंसेवक कर्मचारी छनोट गर्दा सम्बन्धित विद्यालयका कर्मचारी वा कार्यालय सहयोगीलाई अनिवार्य रूपमा राख्न निर्देशन दिएको हो।
निर्वाचनको व्यवस्थापनलाई सहज, सुरक्षित र व्यवस्थित बनाउन स्थानीय विद्यालयका कर्मचारीहरूको अनुभव उपयोगी हुने भएकाले उनीहरूलाई स्वयंसेवकका रूपमा परिचालन गर्न आग्रह गरिएको सहायक निर्वाचन अधिकृतको कार्यालयले जनाएको छ।
प्रकाशित मिति: मंगलबार, फागुन १९, २०८२ १७:०५
प्रतिक्रिया दिनुहोस्
साताको लोकप्रीय
