काठमाडौं - सिद्धार्थ गौतम बुद्धको जन्म नेपालको लुम्बिनीमा भएता पनि उनको प्रतापको क्षेत्रफल दक्षिण एसियामा बलियोसँग फैलिएको छ । पाकिस्तानमा बौद्ध सम्पदाहरु धेरै हुनुको एक प्रमाण त्यही प्रताप फैलिनुको एक बिम्ब हो ।

यही यथर्थालाई मनन गरेर बुधबार पाकिस्तानी राजदूतावासले पाकिस्तानमा भएका बौद्ध सम्पदाहरुको पुस्तक सार्वजनिक गरेको छ । यस अगाडि अंग्रेजी भाषामा प्रकाशन भएको पुस्तकलाई नेपाली भाषामा ‘पाकिस्तानका बौद्ध सम्पदाहरु’ भनेर ल्याइएको छ ।

ओमचरण अमात्यले लेखेको पुस्तक बुधबार पाकिस्तानी दूतावासले कार्यक्रममा पूर्व पर्यटनमन्त्री तथा नेकपा एमालेका सांसद भीम आचार्यले जनता जनताबिचको सम्बन्ध पाकिस्तान र नेपालको राम्रो भएको भन्दै त्यसो हुनुमा सांस्कृतिक सम्बन्धले सेतुको भूमिका निभाएको बताए ।

नेपालका लागि पाकिस्तानी राजदूत अब्रार एच हास्मीले पाकिस्तानले आफ्ना सम्पदाहरुलाई जोगाउन गर्व परेको भन्दै त्यस्ता सम्पादाहरु आस्थावान र पर्यटक दुवैसँग भावनात्मकरुपमा जोड्न चाहेको बताए ।